انڈین یونین مسلم لیگ سیاسی امورکمیٹی چیئرمین سید صادق علی شہاب تنگل کا سونیا گاندھی کو مکتوب

IUML PH ONE

کانگریس پارٹی اور اس کے لیڈروں کے ساتھ یکجہتی کا اظہار
نئی دہلی :انڈین یونین مسلم لیگ(آئی یو ایم ایل) کے سیاسی امور کمیٹی چیئرمین و کیرلا ریاستی صدر سید صادق علی شہاب تنگل نے آل انڈیا کانگریس کمیٹی کی چیئرپرسن محترمہ سونیا گاندھی جی کو ایک مکتوب لکھا ہے جس میں انہوں نے کانگریس پارٹی اور اس کے لیڈروں کے ساتھ یکجہتی کا اظہار کیا ہے۔ انہوں نے اپنے مکتوب میں لکھا ہے کہ یہ خط اس مشکل وقت میں کانگریس پارٹی اور اس کے لیڈروں کو دل سے حمایت دینے کیلئے ہے۔ پورا ملک کانگریس لیڈروں اور اس کے اداروں کے خلاف گھناؤنے ہراسانی کو دیکھ رہا ہے جو انفورسٹمنٹ ڈائرکٹوریٹ(ای ڈی) کو حکمران بی جے پی حکومت اپنے آلہ کار کے طور پر استعمال کررہی ہے۔ یہ کہنے کی ضرورت نہیں ہے کہ یہ ان کے گھٹیا سیاسی ایجنڈے کا حصہ ہے۔ یہ ملک میں ہر جمہوری تحریک کو کچلنے کا حصہ بھی ہے۔ لہذا، اب وقت آگیا ہے کہ تمام اپوزیشن پارٹیاں کندھے سے کندھا ملا کر ان فاشسٹ تحریکوں کے خلاف لڑیں۔ بی جے پی مسلسل اپوزیشن کو خاموش کرنے اور میڈیا کو دبانے کی کوشش کررہی ہے۔ اس میں کوئی شک نہیں ہے کہ وہ ملک کو غیر اعلانیہ ایمرجنسی میں دھکیل رہے ہیں۔ ہم، انڈین یونین مسلم لیگ، ہمیشہ کی طرح ہندوستان میں جمہوریت کے اقدار کے تحفظ کی اس جدوجہد میں آپ کے ساتھ کھڑے ہیں۔


ہمارے بارے میں

www.maeeshat.in پر ہم اقلیتوں خصوصا  مسلم دنیا میں کاروبار کو متعارف کرانے اور فروغ دینے کا ارادہ رکھتے ہیں جو حلال اور حرام کے حوالے سے اپنے آپ کو ممتاز کرتے ہیں۔ شروع سے ہی اس جریدے/ویب سائٹ نے مسلمان صنعت کاروں اور تاجروں کو قائل کیا ہے کہ وہ ہندوستانی معیشت کو مضبوط بنائیں اور دوسرے کارپوریٹ کے ساتھ اپنے تعلقات کو مزید فروغ دیں۔


CONTACT US

CALL US ANYTIME




نیوز لیٹر