حصول تعلیم کی راہیں ہموار کرنے میں تعاون کریں” عبدالکریم سالار.
جلگاؤں( عقیل خان بیاولی) شہر کی قدیم بستی شاہونگر میں مقامی تنظیم ہورایزن ملٹی پرپز سوسائٹی نے علاقہ کے پنجم تا ہفتم‌ جماعت میں زیر تعلیم  ضرورت مند و مستحق طلباء کے لئے تعلیمی وسائل کی تقسیم نیز دہم و دو از دہم جماعت میں نمایاں کامیابی حاصل کرنے والے طلباء کو اسناد و مومینٹو دیکر اعزاز کیا تقریب کی صدارت شہر کارپوریشن کے سابق ڈپٹی میئر و اقراء کے صدر الحاج عبدالکریم سالار نے کی اس موقع پر موصوف نے  تعلیمی و معاشی کمزور بستی میں اعزازی تقریب و وسائل تعلیم کی تقسیم پر اظہار مسرت کرتے ہوئے کہا کہ حصول علم کی راہیں ہموار کرنا ان میں حسب حیثیث تعاون کرنا نیک کاروں کا شیوا ہے ساتھ ہی   سوسائٹی کے ذمہ داران کی حوصلہ افزائی کی نیز ذاتی  تعاون بھی  پیش کیا این سی پی کے جواں سال ریاستی سیکریٹری اعجاز ملک نے بھی اظہار خیال کیا،تنظیم‌نیز تقریب کے اغراض ومقاصد نائب صدر مشتاق بہشتی نے پیش کۓ تقسیم انعامات و وسائل کی کارکردگی صدر ضیاء باغبان نے انجام دی ورلڈ میمن فاؤنڈیشن کے روح رواں،صنعت کار الحاج عبدالمجید سیٹھ زکریا نے خصوصی تعاون کیا۔کامیابی کے لئے ادارہ کے اراکین قاضی ندیم،عین الدین پہلوان،محسن شیخ،نعیم بھائی،اسلم کھاٹک وغیرہ نے محنت کی تو بشیر بابا باغبان، ڈاکٹر اعزاز شاہ،نورالدین پہلوان،فاروق ممبر،افتخار احمد،رمیش مشرا  وغیرہ بطور مہمانان خصوصی شریک تھے ۔